Vawiin Assembly rorel inkhawmah Pu Chama hian, United nation Declaration Of Rights of Indigenous People 2007 chunghang a private member’s Resolution lo pass tawh chu a \ul anga hma la turin kum 2019 May ni 3 khan thawn a nih thu a sawi a, All party emaw NGO anga hmalak zui tumna awm rih lo tih a sawi. Mizoram Police lirthei nia sawi MZ 01 F 6996 PWD in an hmang nge a chhia tih Pu Ngunlianchunga zawhna chungchang chu a lo enfiah tur thu a sawi a, Thingkah a IR awmna hmun tur sak mek zawh hun tur chu vawi hnih sawn hlat a nih tawh a, kumin chhunga zawh hman tum a nih thu a sawi. Pu Chama chuan, nikum a Bru te hruaikirna tura sum ruahman, hman loh engemaw zat la awm chu a tih dan tur CS hovin ngaihtuah a nih thu a sawi bawk.
