Vawiina an party office Mizo Hnam Run inkhawm a hmanpuinaah thu sawiin Home Minister hian Mizoram leh Assam ramri chungchang chu tunthla ni 8 a Council of Ministers \hukhawm thutlukna angin Bengal Eastern Frontier Regulation 1873 hmanga 1875-a notification tih chhuah chu Mizoram sorkar pawm dan a ni a, Mizoten ramri-a an pawm chin a taka hlenchhuah a nih theih nan Political Party, NGO zawng zawng leh sorkar chu thukhat vuaa an kal theih nan Sorkarin hma a la dawn a ni a ti a, ramri chungchang chu mahni Mizo puite beihna atan hmang lo tur leh party dang pawhin politics khelh nana hmang lo tura a duh thu a sawi.
Home Minister hian UT hun lai a\angin kum 47 a liam tawh a, party hrang hrangin sorkarna an insiam chhawk a, ramri chungchang chu thil khirhkhan tak a nih avangin tumahin an hunlai \heuhin an la ti fel thei lo a ni a ti bawk.
