Chief Minister-in ramri chinfel dan tur \ha deuh an hriat thu leh hei hi puanzar chi ala nih loh thu kumin July ni 22-a a sawi chunga Home Minister-in ramri buai chinfel dan tur ala buaipui chhan Pu Zodintluanga Ralte zawhna chhangin Home Minister, Pu Lalchamliana chuan buapui ngai riau ala awm vanga buaipui an nih thu a sawi.
Home Minister chuan, Mizoram leh Assam ramri dik taka Mizoram sorkar-in a pawm chu Bengal Eastern Frontier 1873 hmanga kum 1875 August ni 20-a Inner Line Notification chhuah a nih thu leh Tripura, Manipur, Myanmar leh Bangladesh ramri chu Bengal Eastern Frontier 1873 hmanga kum 1933 March ni 9-a Inner Line Notification a nih thu House a hrilh a. Mizoram leh Assam ramri buaina chungchangah Boaundary Commission din ala ni lova, ramri chungchang ngaihtuatu Boundary Committee chu Sorkar hmasa-ah khan din a ni a, UT hun lai pawhin Fact Finding Committee din a lo nih tawh thu a sawi. Pu Lalchamliana chuan, tun hnaia Mizoram leh Assam ramri inchuh mekna Zophai hmuna BSF leh Indo-Tibetan Border Police (ITBP) Duty tir an ni anga chanchin thara lo lang chu chhui chian a nih hnuah thudik tawk lo a ni tih sawiin, Assam sorkar-in NRC Final List a tihchhuah dawn khan buaina thleng thei veng turin Hailakandi District-ah Duty tir an ni zawk tih a sawi.
