Assam-a NRC tih chhuah takah mi nuai 19 chuang hming a chuan loh avanga lungawi lo thawm a rin hle laiin, hmarchhak biala cham mek Amit Shah hian he thu hi a sawi a, Assam NRC avanga state dangin an state-a pemlut an awm ang tih hlauhthawnna an neih chungchang sawifiahin Assam chauh ni lo, ram pumah dan lova pemlutte dapchhuaka um chhuah tum an ni a, state sorkar ten ngaihngam taka hma an lak theih dan tur ruahman a ni a ti.
Assam-a NRC tih chhuah takah hming lang lo tam tak an awm avangin Assam-a BJP hruaitu \henkhat pawhin an lungawi loh thu an sawi chhuak a, BJP MLA Silditya Dev chuan Hindu te um chhuaka, Muslim te dah luh tumna a ni a ti hial a ni.
Amit Shah hian Central sorkarin Article 371 paih tumna a nei lo tih a sawi bawk a, tribal te inenkawlna dan dinglaite khawih danglam a ni lo ang a ti bawk.
