Hemi puala inkhawm Mission Vengthlanga an pawl Pisa-a neih hi an pawl Vice President, Pu Lalnunpuia’n a kaihruai a, a hmanpuitu Person with Disability Commissioner, Dr. Lalnunthara chuan, pianphunga rualbanlote chu sorkar-in a dah pawimawh hle tih sawiin, sorkar hna lak tur reng rengah an tan zaa 4 hauh sak an ni a, Rights of Persons with Disabilities Act hnuaiah ham\hatna chi hrang hrang a siam sak an ni tih a sawi. Dr. Lalnunthara chuan, tunah hian Department hrang hrangah an hnuaia rualbanlote hnathawk awm zat an zawtkual mek tih sawiin, an dawn tawh chinah rualbanlo 50/60 vel sorkar hnathawk an awm a, hei hi July thlaah a kimchanga hriat theih beisei a ni tih sawiin, rualbanlo zinga \anpui ngai zual bikte tan \anpuina dil theih turin Rights of Persons with Disabilities Act hnuaiah ruahmanna siam a ni a, hei hi tihfel a ni \ep tawh tih a sawi.
An pawl Secretary, Pu C. Lalhmunsanga Report a\anga a lan danin, tunah hian Mizoram pumah member 200 vel awm mekin, an member ni thei in Report an awm belh reng a. An member zinga \henkhat chu lu chiah chet thei an nih avangin Mizoram mipuite chu an tan \awng\aipui zel turin a sawm a. Finance Secretary, Pi Lalsangzuali pawhin an pawlin sum tuak nana thil chi hrang hrang an zawrh a\ang sum an hmuhte chu an member zinga \anpui ngaite hnenah sem leh \hin a nih thu a sawi.
