Hnam hnuaihnung zawkte nekchepna leh hleilenna laka venhimna dan, SC/ST Atrocities Prevention Act siam thatna tur Union Cabinet-in nilaini khan a pawm a, Parliament fur thutkhawm neih mekah put luh tum a ni.

Union Home Minister Rajnath Singh chuan he thu hi Parliament rorel inkhawm zero hour ah a sawi a, Dan siam\hatna tur hi Prime Minister Narendra Modi kaihhruai Cabinet in a pawm tawh tih a sawi. Supreme Court in SC/ST Act hnuaia thil ti suala puhte chu man an nih hmain chhui chian hmasak tur a ni tih thutlukna a siam chuan dan dinglai hi a ti chak lo tih chu ram pumin an hria tih Home Minister chuan a sawi a, dan thar \ha zawk siam thuai a \ul avangin sorkar chuan hma a la nghal a, he dan thar hi fur \hutkhawm chhung ngeia putluh tum a ni a ti. Court sang berin SC/ST Act hnuaia dan bawhchhiate chu man an nih hmain chhui chian phawt tur tih thutlukna siam mahse, Union Cabinet chuan preliminary enquiry kalpui hmasa kher lova thil ti suala puhte man nghal theiha dan hi siam nise tiin a rel nawn leh a, dan thar putluh tur ang hi chuan thil ti suala puhte man leh man loh thua thuneihna chu a chhui chiangtute thutlukna tura dah nawn leh a ni a, FIR ziaklut turin enquiry tih hmasak a ngai lo ang a, thil ti suala puh man thuah pawh tuemawin a pawmpui hmasak kher a \ul dawn lo a, dan bawhchhiaa puhte chu anticipatory bail an lak pawh phal a ni dawn lo bawk.