Lungleng YMA Hall, Zofa Run-ah training buatsaih turte hi Hnahthial District Bawrhsap Pu Vanlalmawia’n a hawng a, thiamna chhawr tlak neite din chhuahna khawvel a nih tawh avangin hemi kawnga sum hai luhna pawh a inhawng zau tual tual dawn a, eizawnna ngelnghet nei turin thiamna tak tak neih a \ul tawh a ni a ti. Bawrhsap hian Mizo mipate an ruh a no ta deuh em ni tih turin eizawnna kawng hrang hrangah hmeichhiate hmel a langsar zawk a, Mizo mipate harh a hun a ni a ti.
BADP Capacity Building hnuaia training hrang hrang neih turah hian mi 350 chuang diltu an awm a, puantah zir diltu mi 37, puan \hui-ah mi 32, Two Wheeler repairing atan mi 15, Steel Fabrication atan mi 8 leh cement Work atan mi 21 lak an ni a, an vai hian mi 113 an ni.
