Hnahthial District Task Force on Covid 19 member thenkhatin vawiin hian SDC Pu H.Lalramliana hovin Hnahthial District chhung khaw 6 – Tuipui D, Darzo, S.Vanlaiphai, New Kawnpui, Lungpuitlang leh Muallianpui khuate an tlawh a, Village Level Task Force hruaitute kawmin, an hmanraw mamawhte an sem.

VLTF te hnenah hian hmaituamna leh tanpuina tangkafai an pe a, ramri-a duty Police te hnenah Buhfai an pe bawk a, khaw hrang hrang VLTF te chu hrileng do kawnga an hnathawhna kawngah an hriattur pawimawhte an zirtir nghal zel a ni. Hnahthial District chhungah hian khaw pali ah Myanmar nen inkalpawhna kawng khar mek a ni.