District Hospital Medical Officer Dr. Lalrengpuii Ralte sawi danin Hnahthial District chhungah mi engemawzat chu District Hospital ah endik an ni tawh a, in lama inkhung hrang rih tura tih pawh an awm a, virus kai hmuhchhuah erawh an la nei lo a ni. SDPO Hnahthial Pu Bijoy Gurung chuan Hnahthial District chhung Myanmar ramri depa awm khuaah Myanmar nena inkalpawhna kawng khar vek a nih thu leh uluk taka an duty thu a sawi. Ramri depa cheng chhiat ni \hat ni-a inkal pawh ngei ngei ngai ang chi te ngaihhnathiam dan tur pawh an sawiho a., Thingsai, Bualpui H, Ngharchhip, Cherhlun, Muallianpui leh S.Vanlaiphai ah te chuan an VC te kaihhruaiin Village Level Task Force din nise, an khaw paltlang tute chu ngun taka lo endikin enfiah \hin se an ti a. Hnahthial Disrict chhungah Zirna In leh Pathian biak inkhawm tih loh chu mipui punkhawm lam hawi reng reng buatsaih lo turin mipuite an ngen a ni.
