Puan tawh angin Sabarimala temple hi hmeichhe kum 10 leh kum 50 inkar-te tan tlawh khap a ni a, mahse khapa hi Supreme Court chuan kum 2018 September ni 28 khan ram danpui kalh a ni tiin a hlip a, mahse temple thuneitute leh Ayyappa betute chuan temple tlawh tum hmeichhiate an dang chhunzawm zel tho a, buaina pawh a chhuak nasa hman hle a, tun \umah pawh hian Kerala-ah chuan hmun hrang hrangah mipui lungawilo an pungkhawm a, BJP leh a thurualpui dangte chuan state pumah bandh an ko a, Congress kaihhruai United Democratic Front pawhin lungawilohna ni an lantir thu an sawi ve nghal bawk a ni. Hmeichhe pahnihte hian puan dum hlanga inthuamin police venhimna nen temple hi hmanhmawh takin an lut a, temple an luh thu hi hriat a nih veleh a enkawltute chuan temple an khar nghal a, an hawn leh hmain an thian thianghlim leh a ni. State CM Pinarayi Vijayan chuan hmeichhe pahnih-te hian dodalna an tawk lo niin a sawi a, temple enkawltute’n an puih zawk thu leh an chhuah leh hnu hian RSS thlawptu pawl, Sangh Parivar mi leh sa te’n pawikhawih dan an ruahman nghal niin a sawi a, Supreme Court-in thutlukna a lo siam tawh chu state sorkar-in khauh taka kenkawh a tum thu a sawi bawk a ni.
Chanchin Thar Hmeichhia-te’n an tlawh ve remtih loh vanga temple hriat hlawh tak, Kerala-a...
