Mipui pungkhawmte hian Siaha Bazar Traffic Point a\anga New Siaha Bazar thleng kawng an zawh a, hmeichhiate zahawmna tih bawrbansaktu Lalhmingthanga chu dam chhungin Jail-ah tang rawh se tih te, rorelna dik an duh thu te an au chhuahpui a, Lalhmingthanga laka hremna na thei ang lek tura thuneitute an phut thu te, LADC sorkar chu a hna thawhlai Forest guard a\anga ban nghal tura an phut thu tarlanna thuziak te an keng a ni.
Kawngzawh \anna leh a tawpnaah MCHP President Pi P.Chaki-i’n thu a sawi a, Lalhmingthanga chet dan chu an dem thu sawiin, an hmeichhiatpui video thlalak mawi lo tak thehdarh a ni chu na an tih thu a sawi a, video thlalak la kawl te chu paih vek turin a ngen a ni.
MCHP sawi danin Lalhmingthanga hian September ni 20 khan Siaha khua hmeichhe pakhat chu Lawngtlai atanga Siaha lamah phur haw in, kawnglakah hmeichhia hi zu leh damdawi pein a hrai rui a. Hmeichhe nikhaw hre tawh lo chu Saruakin kawngpuiah a mut a, \awngkama diriam chungin video-in a thla a la a, Siaha khaw luh tawntirah hmeichhe nikhaw hre lo hi a hnutchhia zui a ni. Ni 2/3 hnuah a video thlalak hi Lalhmingthanga hian social media hrang hrangah a thehdarh zui leh a ni.
Lalhmingthanga hi Police ten manin, District Jail-ah dahluh tawh a ni.
