Mizorama doctor thiam rualte chuan rilru lam natna nei emaw, hmeichhia leh damlo pangngai zinga natna dang endika \ha vek si te zingah rilru lam natna nena inzawm ril leh pumpui natna nei chu a awm thei ngei a, tunhma a\anga Mizote ngaihdan pakhat, hmeichhe chhul \ha loin thluak a khawih buai anga sawi chu thu dik lo a ni a, rilru lam damna turin chhul paih a \ul lo tih an sawi.
ZONET leh Indian Medical Association, Mizoram State Branch in a buatsaih, Psychiatry, Medicine leh Gynaecology chungchanga Doctor thiamten mipui zawhna an chhannaah doctor thiamte chuan rilru lam natna chi khat, anxiety natna chuan pumpui leh ril lam a khawih thei tih an sawi a. Pumpui leh ril lam fel lo natna Irritable bowel syndrom, IBS tia sawi hi khawvela mihring piang puitling zinga zaa 40 velin an nei \hin tih an sawi.
Indian Medical Association, Mizoram State Branch leh ZONET \angkawp buatsaih, he programme hi Naktuk zan dar 8-ah leh Zirtawpni zan dar 9-ah te ZONET ZAWLBUK-ah tih chhuah a ni ang.
