Hmarchhak state pali, Assam, Nagaland, Manipur leh Arunachal Pradesh-a delimitation neih hun tur sawn hlatna thupek sorkar laipuiin a lo tih chhuah tawh chu a hnuklet leh a, heng state ah te hian boruak a muanawm chhoh zel avangin ruahmanna siam anga kalpui a ni dawn tih a sawi.

Law Ministry hnuaia Legislative Dept thuchhuah tarlan danin heng state pali-ah te hian delimitation kalpui hun sawt hlat a nih chhan ber chu a reh tawh avangin Delimitation Act 2002 in a sawi angin kaltlangpui a ni dawn tih a tarlang a, hei vang hian tun thla ni 8-a sawn hlatn a nihna thupek chu hnuhlet a ni tih tarlan a ni.

Delimitation Act 2002 hnuaiah Delimitation Commission hi din a ni a, Lok Sabha bial bakah State Assembly bial \hen leh ramri kham chungchang ngaihtuah feltu a ni a, kum 2002-a din commission chuan heng state pali te tih loh state dang zawngah chuan an report an peihfel vek tawh a ni.

India ah hian delimitation commission vawi li din a lo ni tawh a, chungte chu kum 1952, 1963, 1973 leh 2002 ah te a ni.