Hmarchhak state hrang hranga zirlai pawlte’n thawhlehnia Citizens Amendment Bill, 2016 duh loh lantirna atana total bandh huaihawt tum chu an thlawp thu an sawi.

All Arunachal Pradesh Students’ Union, Naga Students’ Federation leh All Assam Students Union te chuan North East Students’ Organisation, NESO an thlawp thu hi an sawi tawh a, Bandh hi MZP pawhin a thlawp a ni. Puan tawh angin PM Narendra Modi chuan zirtawpni khan Assam-a thu a sawinaah Parliament-ah Citizens Amendment Bill, 2016 hi pass thuai theih a beisei thu a sawi a, NESO co-ordinator Pritambai Sonam chuan hmarchhak zirlai-te hian New Delhi khawpuiah pawh lungawilohna an lo lantir tawh hnunah pawh sorkar laipui chuan Bill hi pass a tum lui tih a sawi a, dodal zel an tum tih a sawi.