Convention-a tel tual\o party hruaitute hian Citizenship Amendment Bill chu an duh loh thu resolution pass in, President leh Prime Minsiter hmu tura lamkal intirh an rel a. Chief Minister Pu Zoramthanga chuan meeting zawh hnua chanchinbumite an kawmnaah an thutlukna hi a puang a ni. Pu Zoramthanga chuan convention-ah hian citizenship amendment bill duh lohna leh central sorkarin pass a tum demna resolution khauh tak an pass thu a sawi a, he bill hi kaltlangpui anih chuan hmarchhak bialte tan a hlauhawmin a pawi hle dawn a ni a ti. Pu Zoramthanga chuan he bill pass anih lohna tura hmalak zel dan tur chu hmarchhak biala party hrang hrangte chuan an sawiho zel dawn tih a sawi a, an rorel hi lamkal intirin President leh Prime Minister hnenah thlen an tum thu te, hemi rual hian an rilru ang pu ve tho, Political party dangte pawh biak an tum thu te a sawi.
Hmarchhak biala tual\o party te intawhkhawmna convention ah hian sorkar laipuiin hmarchhak bial mipuite duhdan ngaithla lova, citizenship amendment bill pass tuma hma a la chu vanduaithlak an tih thu resolution an pass a, hemi chungchanga hmalak zel dan tur ngaihtuaha \hutkhawm leh thuai relin, party dangte berawntu tur committee din an rel bawk a. Parliament chhung leh pawn lama he bill dotu ram chhung hmun danga political party hrang hrangte chungah lawmthu an sawi bawk.
Meghalaya Chief Minister Conrad K Sangma hmalakna-a hmarchhak biala tual\o party-te intawhkhawmna, Guwahati-a neihah hian Chief Minister Pu Zoramthanga bakah hian Meghalaya Chief Minister Conrad Sangma te, Asom Gana Parishad Working President Keshab Mahanta te, NDPP President Chinwang Kanyak te, UDP President Dr Donkupar Roy te, Nagaland Chief Minister hlui TR Zeliang leh Assam Chief Minister hlui Prafulla Kr. Mahanta te bakah tual\o party hruaitu lawk dangten thu an sawi a. Convention ah hian hmarchhak biala tual\o party 11 aiawhte an tel a, heng zingah hian NEDA thlawptu AGP, NPP, NDPP, UDP, JDU leh IPFT te pawh an tel a ni.
