He \hutkhawmna hmanpuitu BJP National President, Union Home Minister, Pu Amit Shah chuan, tun hnaia Jammu and Kashmir chungchanga sorkar laipui hmalak chuan hmarchhak bialah nghawng engmah a neih ve loh tur thu a sawi a. Jammu and Kashmir humhimna dan Article 370 chu a nghet lo a, hun eng emaw chhung atan bik Temporary-a siam a ni tih sawiin, hmarchhak bial state \henkhatte tan dan siam 371 chu a nghet a, engti kawng maha khawih chet theih a nih ve loh thu leh J&K-a sorkar hmalakna vangin hmarchhak mipuite tan hlauhthawnna tur engmah a awm loh thu a sawi.
NEDA meeting-ah hian Chief Minister, Pu Zoramthanga pawhin thu a sawi a, hmasawn tur chuan remna leh muanna neih hmasak a pawimawh tih sawiin, Mizoramah chuan remna leh muanna a awm a, hetiang bawk hian hmarchhak biala state dangte pawh chak zawka hma an sawn theih nan an state \heuhah remna leh muanna tluantling a awm theih nan hmala turin a chah a. Hei hian hmarchak bialte inunauna pawh nasa taka a tih \hat a beisei tih a sawi.
He inkhawmah hian NEDA-a tel hmarchhak bial State dang Chief Minister leh Party dang hruaitute pawhin thu an sawi hlawm a, State \henbhat hotute chuan Assam leh state dangin ramri-a buaina an neih chinfel \ha an tih thu an sawi hlawm a, hmarchhak biala state 8-ten chak zawka hma an sawn theih nan inpawh lehzuala hmalak ho \ha an tih thu te an sawi a ni.
