Parliamentary Standing Committee on Home Affairs hi an chairman Anand Sharma-a’n a ho a, Lai, Mara leh Chakma Autonomous District Council aiawh te chuan Article 275 leh Article 280 hnuai ah, District Council ten thuneihna sang zawk an neih an duh thu an thlen a, kum 1998 a Non Tribal Trading Regulations hlih tawh neih let leh an duh thu te, Autonomous District Council humhim zel a nih theihna tur a rawtna an neihte an thlen a ni. He hun a Lai Autonomous District Council aiawh a tel, Pu Laltlawmlova Chinzah sawi danin, LADC chuan, Scheduled Tribe list a Pawi tih chu Lai ti a thlak an duh thu pawh an thlen tel tih a sawi.
Parliamentary Standing Committee on Home Affairs hian Meghalaya State a Autonomous District Council hotute an lo kawm tawh a, tun \umah hian Mizoram, Tripura leh Assam a Autonomous District Council aiawhte an kawm ve leh a, Mizoram Autonomous District Council pathum atang hian Sorkar aiawh bak ah Tlawmngaipawl leh Zirlaipawl aiawhte an tel a, Mizoram Sorkar aiawhin Chief Secretary Pu Lalnunmawia Chuaungo leh District Council & Minority Affairs Secretary Pu Sangdingliana te an tel a ni.
