A hmanpuitu Chief Minister, Pu Zoramthanga chuan, Mizoram tan MSME chu hmasawnna kawng pawimawh tak a nih tih sawiin, Mizoram chu ramngaw-a innghat Industry \ha tak nei thei a ni a, hei hi tihlawhtling turin hmanrua khawiah nge a hmuh theih ang tih te, engtin nge an phurh kual ang tih te, engtin nge an siam ang tih leh engtin nge an zawrh chhuah ang tih chu chian phawt a \ul a ni, a ti. Chief Minister chuan, Mizoramah pawh agro-forest resource behchhan hian entrepreneurship lamah thui tak kal theihna tur theihna a awm a ni, a ti a. A kal dan tur chian hmasak a, a thu ringawt lovin a practical a kalpui dan tur hriat a tul a ni, a ti.
He zir hona hi Kolkata-a Micro, Small and Medium Enterprises Development Institute leh MSME Development Institute, Aizawl Branch \angdunin an buatsaih a ni a, India hmarchhak state-te tihhmasawnt nana entrepreneur te puih a, thuamchak kawnga hmalak dan tur an sawi ho a ni. A hawnna inkhawm hi MSME DI, Kolkata Director, Pu Ajoy Bandopadhyay-an a kaihruai a. DC&MA Secretary, Pu Rodney L. Ralte, Planning Secretary Dr. C. Vanlalramsanga bakah RBI Aizawl General Manager Pi Mary L. Deng-in thu an sawi bawk.
