Lungawi lohna lantirtu zingah hian Mizoram a\anga Rajya Sabha member, Pu Ronald Sapa Tlau pawh a tel a, Media hmaa thu a sawiah Pu Ronald Sapa Tlau chuan, Citizenship (Amendment) Bill, 2016 chu Pass a nih loh nan theih tawp an chhuah zel dawn tih sawiin, an tih theih chin bak chu Pathian kutah an dah dawn tih a sawi. Pu Ronald Sapa Tlau chuan, tunah hian CAB chungchangah BJP party chhungkuaah ngaihdan a phir mek nia a lan thu sawiin, Prime Minister, Pu Narendra Modi-a pawlten CAB hi kaltlangpui an duh laiin, BJP National President, Amit Shah leh Vice President, Rajya Sabha Chairman ni bawk, Venkaiah Naidu-te chuan he thilah hian mi tam zawk ngaihdan an neih theih dawn loh chuan putluh loh an duh thung niin a sawi a ni.
