Hizbul Mujahideen hruaitu thi tawh nia hriat kaphlum

Hel pawl, Hizbul Mujahideen hruaitu pakhat, Mohammad Yaseen Itoo-a chu motor chesuala thi daih tawh anga sawi ni mah se, nimin khan Kashmir chhim lamah a thiante pahnih nen kah hlum an ni a, sipai pahnih pawh an thi a, mi dang 3 an hliam bawk a ni. Itoo-a hi thla thum chhunga an pawl hruaitu thi pahnihna a ni a, an inkahnaah hian an pawl mi engemawzat chu an tlanbo nia hriat a ni. Itoo-a hmai hi kah chhiat nasat a nih avangin hriat chian a har a, Police-ten Budgam district atangin a chhungte kovin, amah ngei a ni tih an nemnghehtir a ni. Itoo-a hi kum 40 vel mi a ni a, kum 20 vel kal ta khan hel pawl hi a zawm a, lung inah pawh a tang fo tawh a, nikum January thla khan chin hriat lohva a awm rei avangin a chhungte pawhin a thi nia ngaiin a vuina an buatsaih vek tawh a, mahse a hnu thla engemawzatah a lo lang leh ta a ni.