Hemi puala inkhawm Ramhlun Venglai Kohhran Centenary Hall-a neih hi Synod Executive Secretary, Rev. B. Sangthanga’n a hmanpui a, Mizoten hriselna tihniamtu zuk leh hmuam an ti nasa te ,ei leh in insum loh te, taksa sawizawi an uar lo chu thil pawi tak a ni, a ti a. Synod-in training hrang hrang a buatsaih \hinah a tam thei ang ber HIV chungchang inzirtirna an telh \hin a, hei bakah hian Kohhran mal emaw bial huap emawa Counselling \ha a awm theih nana hmalak leh mahni dinhmun hrechiang tura Thisen endik an tam theih nana hmalak chu Synod hmachhawp leh tih mek a nih thu a sawi.
MSACS Project Director, Dr. Lalthlengliani pawhin, Mizoram chu mipui tam lam a\anga tehin HIV darhchakna ber a ni, a ti a. HIV hi Mizorama a darh zel loh nan thapui thawha beih a ngai tih sawiin, hei kawnga hmalatu ber MSACS chu pawl lian lo te a nih avangin Mizoram pum huap pawl lian Kohhran leh YMA chu he dinhmun duhawm lo tak tihniam tura thawhpuiah a sawm thar leh a ni. Kumin International AIDS Candle Light Memorial Service-ah hian thupui atan “Intensifying the fight for Health and Rights !” tih hman a ni a. He ni hmannaah hian HIV positive leh HIV/AIDS lama thawktute leh Kohhran pawl hrang hranga aiawhte an tel a, HIV/AIDS avanga nunna chante sunna nan sathau khawnvar an chhi a. HIV darhzel tur venna leh a veitawhte puihna kawnga \anla turin an intiam bawk.
MSACS chhinchhiah danin, kumin March thla thleng khan Mizoramah HIV/AIDS vanga thi mi 1,474 an awm tawh a ni.
