Central K|P bul tumin vawiin khan Aizawlah ruihhlo leh mipat hmeichhiatna hman khawlohna laka fihlim tur leh HIV/AIDS darh zel tur veng tura inzirtirna atan Two Wheeler Rally buatsaih a ni a. Chawhma dar 11:30 khan Bawngkawn Brigade Field-ah a hawnna inkhawm neih a ni a, Central K|P Leader, Rev. Zothansanga’n Rally-a telte chu a thlah liam a ni. Two Wheeler Rally-ah hian Aizawla Branch hrang hrang a\angin member 1,000 chuang an tel a, Bawngkawn a\angin Ramhlun lamah kalin, Chanmari-ah an chhuak a, heta \ang hian Sikulpuikawnah kualin, Upper Republic a\angin ITI veng lam an pan a, World Bank Road-ah chhuakin Falkland Venga Central K|P Youth Recreation Centre-ah an intawk khawm a, hetah hian a kharna hun hman a ni.
Hetiang inzirtirna leh Two Wheeler Rally hi November ni 4 khan District khawpui 4 – Siaha, Lawngtlai, Lunglei leh Serchhipah buatsaih a lo ni tawh a. November ni 11-ah Champhai, Mamit leh Kolasib-ah neih a ni bawk. Aizawla Two Wheeler Rally hi November ni 25 khan neih tum a ni na a, vawiin khan neih a ni ta zawk a ni.
