Himachal Pradesh-a Mandi district-ah ruahpui vanawn a sur avangin lei a min a, Kotrupi khaw bula lamliana tlan bus pahnih a chhilh avangin mi tam tak an thi a, mi dang eng emaw zat an hliam. Ruang 46 lak chhuah a ni tawh a, bus pahnihah hian mi 55 vel an chuanga hriat a nih avangin thi zat hi a pun rin a ni. Sorkar thuneitute sawi danin, he thil hi Inrinni zan, dar 12:24 vela thleng kha a ni a, zing dar 2:00 vel atangin chhanchhuah hna thawh tan a ni. State CM, Virbhadra Singh-a chuan chhiatna thlenna hmun hi tlawhin, ruang zawng zawng lak chhuah a nih hma chu buaipui chhunzawm a nih tur thu a sawi a, hliamte enkawlna senso pawh sorkarin a tum tur thu te, mitthi chhungte pawh cheng nuai 5 theuh pek a nih tur thu a puang a ni.
Chanchin Thar Himachal Pradesh-ah leiminin bus chhilh, mi tam tak thi
