Dr. R. Lalthangliana chuan, Sorkar hmasa-in zirna kawnga hmasawnna turin theihtawp a chhuah piah lamah hmasawnna tur tam tak a la awm a, chumi tihlawhtluing tur chuan \anlak zel tum a ni tih a sawi a. Zirna ti-hmasawn tura an hmalaknaah hmasawnna ruhrel din ngaihpawimawh hmasak a \ul tih sawiin, H&TE Minister chuan, College hmun hma nei \hate chu zirna atana pawimawh Building piah lamah an Campus chhungah Principal leh zirtirtute awmna tur, Quarter nei thei se a duh thu sawiin, hei hi College zawng zawngin zawm thei lo mah se, hmun hma nei \ha zualte chuan hemi lam hawia hmalak \ha a tih thu a sawi. Dr. R. Lalthangliana chuan, zirtirtu lak chungchangah pawh an mamawh dan mila kal theih ni se a duh thu sawiin, College hrang hrangte chuan an Department mamawh thlang chhuakin, mipuite mamawhna phuhru tura kal theih ni se a duh thu leh zirtirtu sawn chungchangah pawh Transfer and Posting Rule mumal deuh neih \ha a tih thu a sawi a. Zirna in enkawltute chu zirtirtu insawn dil an awm a nih pawhin harsatna an tawh phah lohna tur thutlukna siam \hin tur leh Politics thil avanga zirtirtu insawn tih vel awm lo se a duh thu a sawi.
Dr. R. Lalthangliana chuan, College \henkhat a tlawhna a\angin hmanraw mamawh lei ngai a awm nual tih sawiin, hei hi a tah tawla tihhlawhtlin a nih theih nan zirna in enkawltute chu an mamawh hrang hrangte ziaka thehlut turin a hrilh a. An mamawh chu zirtirtu neih belh emaw, zirtirna hmanrua leh Building \ha zawk a ni emaw a zawi zawia tihchangtlun chhoh zel tum a ni tih a sawi.
He inkawm hona, New Secretariat Complex-a Secretariat Conference Hall-a neih hi H&TE Secretary, Pu Biaktluanga’n a kaihruai a, hetah hian H&TE Department hotute, Mizorama College hrang hrang leh zirna in sang danga Principal-te an tel a ni. H&TE Secretary, Pu Biaktluanga sawi danin, tunah hian Mizorama College hrang hrangah zirtirtu Sanction Post 743 awm a\angin post 603 hnawh khah a ni a, post ruak hnawh khah loh 140 awm mekin, Contract a thawk 93 leh Part Time zirtirtu 87 an awm a. Institute of Advanced Studies in Education (IASE)-ah sanction post 15 zinga post 9 hnawh khah niin, post ruak 6 a awm a. Polytechnic-a sanction post 63 zinga post 55 hnawh khah a ni a, post hnawh khah loh 8 awmin, contract-a thawk 1 a awm a. Hindi Training College-a sanction post 11 zinga 4 chiah hnawh khah niin, post ruak 7 a awm a, contract-a thawk mi 5 an awm mek a ni.
