Zawhna chhangin Dr. R. Lalthangliana chuan, Category-1-a Chakma te telh tura High Court in thutlukna a siam, Mizoram sorkarin supreme court-a a thlen leh chu supreme court in hnawl mahse, sorkar chu a dinna ngaih ala ding reng a, tun thla ni 8-a Councils of Minister \hukhawmin The Mizoram (Selection of Candidates for Higher Technical Courses) Rules, 2016 chungchangah he dan hnuaia Mizoram quota-a Category-I dil thei ‘Indigenous people’ tih chu ‘Zo Ethnic’ bak Mizoramah ‘Indigenous people’ an awm loh avangin ‘Zo Ethnic’ pual atan a dah remtih a ni chu ala danglam lova, sorkar chu a ngaihdanah nghet takin ala ding a, thuthar a awm dawn a nih chuan Councils of Minister \hukhawmin ala rel tur thu a sawi.
Dr. R. Lalthangliana chuan, he thutlukna chungchangah hian sorkar hnathawkte hnungah sorkar chu a ding zel dawn a, thutlukna engpawh siam anihin an tana \ha lo turah chuan sorkar-in a chhan zel dawn a, MNF Party chu ram leh hnam tana \ha turah chuan dinna nghet tak nei a nih avangin an thu an thlak ve mai mai ngai lo tih a sawi.
Mizoram Quota-a Technical Course hrang hrang zir tur thlanna dan Mizoram (Selection of Candidates for Higher Technical Courses) Rules-ah Chakma te Category-1-a dah an nih avangin Chakma Students Union chu High Court ah an zualko a, High court hian Chakma te hi Constitution (Scheduled Tribes) Order, 1950 hnuaiah Tribal ve tho an nih avang leh Tribal \heuh \heuh kara in thliar hranna siam chu dan kalh a a ni tiin Chakma te hi Category-1 ah an awm ve tho tur a ni a ti a., hei hi Mizoram sorkar chuan Supreme Court ah a khinglet a, Supreme court hian Mizoram sorkar thu thlen hi nimin khan a hnawl a ni
