Hetihlai hian Tlabung District Demand Committee chuan Covid-19 hripui a len vanga hun harsa tak an hmachhawn mekah, anmahni awptu Lunglei district bawrhsap hmel an la hmu lo tih an sawi a, hei hian district hran an mamawhzia a nemmghet nia an ngaih thu an sawi.

Vawiina thuchhuah an siamah TDDC chuan thangkhat lian aia rei an lo dil tawh District Headquarters an mamawhna chu Covid-19 hripui leng meka an hun tawnin a nemnghet nawn leh a ni an ti a, vawiin thlenga anmahni awptu Lunglei bawrhsap hmel an la hmu lo chu pawi an tih thu leh, hei hian Lunglei district lenzia leh DC pakhat tan vil hneh a harsatzia a tarlang a ni an ti.

TDDC chuan Covid-19 avanga buai lam pan zel Bangladesh chu an khua atanga hla lo tak, ni khat thil thu-a thlen mai theih a nih avangin District Headquarters an nih chuan tun aia chak leh mumal zawkin venhimna kalpui theih a ni ang an ti.