Hetihlai hian naupangten kawng tinrenga hma an sawn theina tur leh an thlavang hauh a \ulna apianga hauhtu, Mizoram State Commission for Protection of Child Rights (MSCPCR) chuan mipuite kharkhipna thupek kenkawh mekah naupang harsatna tawk an awm chuan thuneitute hnena thlen turin an chah a.

MSCPCR hian mipui kharkhipna thupek kenkawh anih chhungin naupangte chu an hriselna ngaih pawimawh sak turin an mahni enkawltute an chah a, rilru leh taksa lama harsatna tawk an awm anih chuan anmahni pui turin District tinah District Child Protection Office leh khaw hrang hrangah Village Child Protection Commitee te an awm thu an sawi a, MSCPCR website kaltlangin emaw, facebook page kaltlangin emaw harsatna neite chuan engtiklai pawhin an thlen thei tih an sawi.