Chief Minister Conrad Sangma-a sawi danin, Nilaini a\ang chuan sorkar pisa zawng zawng pawh hawn a ni ang a, school leh zirna in sang zawkte erawh la khar chhunzawm rih a ni ang a, mipuite pawhin an hna pangngai an thawk thei ang a, state pawn lam mite Meghalaya an luh erawh phal a ni rih lo ang.
Loneitute pawhin an hna pangngai an thawk chhunzawm ang a, bazar te pawh thuneitute vilna hnuaiah hawn a ni ang a, lirtheite pawh an state chhungah chuan dan pangngaiin an tlan thei dawn a. State pawn a\anga mipui mamawh phurluttu lirtheite chu uluk taka enfiah an ni ang. Meghalaya hian tun thlengin Coronavirus kai an la nei lo a ni.
