Hriattirna-a tarlan danin, State pawn, Red Zone atanga lo lutte chu a tam thei ang ber RT-PCR sample lain Covid-19 testing laboratory ZMC ah thawna test tur a ni a.
Quarantine-na hmunah ni 14 awm ngei tur a ni a, chumi chhung chuan RT-PCR test result chhuak hman tura ngaih a nih thu te, rokhawlhna engemaw vanga hemi chhunga test result a chhuak hman lo a nih chuan Quarantine centre bialtu health official ten Principal Director be rawnin an chungchang an relfel ang.
RT PCR sample lak hi District tinah Chief Medical Officer leh District Medical Superintendent ten ruahmanna siamin an buaipui ang a. District tin DC te chu Red Zone atanga lo kalte hming leh Quarantine-a an awmna hmunte Chief Medical Officer te hnenah a rang thei ang bera hriattir thin tura tih an ni.
