Hetihlai hian Health Dept hotute chuan Zonet zawhna chhangin China a\anga tunhnaia Mizo pahnih rawn haw te dinhmun chu a \ha tih an sawi a, Mizoram an rawn luh dawn hian phone hmangin anmahni an rawn inhriatir hmasa a, damdawi In ah pawh dah lovin fimkhur thu hlaah pawn chhuak rih loa an In lama tawm rih tura tih an ni tih an sawi.

Lengpui Airport leh Myanmar ramri lam chauha khualzinte enfiahna kalpui anih chhan zawhna chhangin Health Deptt. hotute chuan, \henawm state te pawh he natna lakah hian uluk taka an inven avangin Vairengte lamah chuan a hrana endikna hi neih a ni rih lo a, ramdang nena inkal pawhna khan te ngaihpawimawh hmasak a ni rih tih an sawi a. A \ul ang zelin hmun dangah pawh khualzin endik hna chu thawh chhoh tur a ni an a ti.

Corona Virus vanga damlo an awm thulha enkawlna turin Falkawn Referal Hospital-ah khum 32 ruahman a nih thu leh thawktu turte pawh ruahmanfel an nih tawh thu Health Dept hotute chuan an sawi bawk.