MLPC Act hmanga zu zawrh phalna License an pek chu April ni 1 a\anga March ni 31 thleng zel nung tura tih a ni a, tun hnaia Mizoram Sorkar-in zu khapna dan thar a pass tak chu a taka hman rem rih lo mah se, tuna zu zawrh phalna License an pek chu tun thla ni 31 thleng chauh nung tur a ni a, an License chu pawhsei a nih tawh dawn loh avangin zu hi zawrh chhunzawm a ni tawh dawn chuang lo tih an sawi. Excise Department hotute chuan, tun thla ni 31 chu Pathianni a nih avangin zu dah khawlna Bonded Ware House leh a hralhchhuahna dawrte chu naktuk thleng bak zu hralh phalsak an ni tawh dawn lo tih sawiin, hemi hnu lamah hi chuan dawr zawng zawng chu kalh sak vek an ni tawh dawn a, zu hralh bang a awm a nih chuan a tihzui dan tur hu Sorkar thutlukna a ni dawn tih an sawi.
Zawhna chhangin Excise Department hotute chuan, zu khapna dan thar chu a nih ang anga hmang turin Department chu a inpuahchah tih sawiin, tunah hian zu hi thlah zalen a ni tihna a ni lova, khuahkhirh chungin dan hnuaiah a zuar duh leh in duhte tan in leh zawrh phalna pek mai a ni a, Sorkar ruahman anga dan thar pawh hman ni se, dawra zu zawrh mek chu tihtawp a nih bak thil danglam tehchiam a awm dawn lo tih an sawi. MLPC Act hmanga zu zawrh a nih chhungin State dang a\anga Mizoram luhna hmun hrang hrangah Duty uluk taka dah reng a ni tih sawiin, Excise Department hotute chuan, a bikin Vairengte Check Gate chu a ngai anga kalpui reng a ni a, hetihrual hian Mizoram chhungah zu zawrh a nih ve reng avangin run hma anga man tur erawh an hmu mumal lo a, tun hnaia Mizoram Sorkar-in Dry Day a puan leh zu zawrh phalna hlip tura ruahmanna a siam hnuah man tur hi a awm leh zeuh zeuh chauh niin an sawi.
