Blood Bank a\anga thisen lak chhuah chungchanga Private Hospital te hrek tumna awm lo ang sorkar thuchhuah tarlan chu a dik hlel deuh nia an hriat thu sawiin, hemi chungchangah hian Health Secretary \awngka ngei hriat tur a awm a ni, an ti a. Hemi piah lamah hian Blood Bank a\anga Direct-a thisen lak chhuah chu him lo leh mihring nunna tana thil pawi thei nia sawi pawh an hriatthiam loh thu sawiin, a him lo tak tak a nih chuan eng vangin nge khati leh chen kha kalpui a nih tih chu zawhna a ni an ti a, tuna sorkar-in kalphung thar a duan chu enge a him zawkna leh dik zawkna tih chu an zawhna a nih thu an sawi.
Sorkar-in ruahmanna anga Aizawl Civil Hospital, Lunglei Civil Hospital, Falkawna State Referral Hospital leh District Hospital danga thisen lakchhuah dan thar chu ruahmanna hmasa ai chuan tlemin ziaawm deuhin lang mah se, a hmaa kalphung pangngai ai kha chuan a kawng a kualin a harsa zawk hle tho dawna an hriat thu Private damdawi in neitute chuan an sawi.
Damlote tana thisen pe tura midangte zirtirtu leh fuih \hintu pawl, Association for Voluntary Blood Donation AVBD hotute chuan Zonet zawhna chhangin, sorkar ruahmanna siam thar chu pawl anga an la ngaihtuah loh thu an sawi a, thisen pe \hinten phur tak leh \hahhnemngai taka an pek zel theih chu an pawl thil tum ber a nih thu leh thisen pe \hinte rilru ti hnual thei ang chi chu \ha an tih loh thu an sawi.
