Hetihlai hian All Mizoram Petroleum Dealers’ Association, AMPEDA, vawiina an President Pu K Lalnghakliana hova \hukhawm chuan Mizoram Oil Tanker Driver Association te thil phut hi tih hlawhtlin theiha an ngaih loh thu an sawi thung.

Thuchhuah an siamah AMPEDA hian, Tanker Driver MOTDA te thil phut, hlawh leh ham\hatna tihsan sak chu an lo tihhlawhtlin sak tawh nia sawiin, hemi hnua Allowance phuahchawp engemawzat hmanga phut neih belh zelah an puh a. AMPEDA chuan, MOTDA ten an thil phut hlawh leh road ration an tihhlawhtlin sak tawh chunga Zoram mipuite tana harsatna thlen zawng a hma an la chu an dem thu an sawi a, Oil lama harsatna mipui ten an tawh lohna turin theihtawpin hma an lak tur thu leh mipui te pawh chiai lo tura an duh thu an sawi a ni.