Hemi chungchanga ZONET zawhna chhangin Pu Chama hian, lock down avangin thlawhna service te, rel service te a awm loh bakah kawng pangngaia tlan tur khual zin phur lirthei te pawh a din vek avangin, Phai lama tangkhangte Mizorama hruai haw chu Mizoram sorkar chauhin a tih theih a ni lo tih a sawi a. Lok Sabha MP Pu C. Lalrosanga’n a tangkhang leh harsatna tawkte a theih ang angin a pui mek a ni a ti.
Home Department a\anga ZONET thudawn danin Lock Down vanga phai lama Mizo tangkhangte chu an awmna state Chief Secretary te hnenah Mizo te lo pui a, tuam hlawm turin Mizoram Chief Secretary in DO letter hmangin ngenna a thlen tih an sawi a, hei bakah Central Sorkarin state tin te an huam chhunga tangkhang te pui tura a tih angin Mizoramah pawh state pawn mi tangkhang te enkawl mek an ni a, state dangte pawhin a \ul anga an \anpui ve an beisei tih an sawi. Tun dinhmunah Mizo awmna state 9 ah hma an la mek tih Home Dept hotute hian an sawi a, help line an siam be pawptute addres leh Mizorama an awmna address te pawh chhui zuiin, an awmna state thuneitute hnenah hriattir nghal zel an ni an ti.
Lock Down vanga phai lama Mizo tangkhang zingah Mizoram House hrang hrang pankhawmtu an awm bakah mahni sum seng-a hotel a awm te pawh an awm bawk a. House a awm te ei leh riah man hi sorkarin bat a phalsak rih a ni. Mizoram House awm lohna khawpui dangah te pawh mizo zirlai leh hnathawka awm, inkharkhip vanga tangkhang mek \hahnem tak an awm a, Zonet thudawn danin, phaia tangkhang te hi Shelter Home anga indah luh loh hram tumin Mizo Welfare Committee \henkhat chuan an sum neih ang angin an huamchhunga Mizo tangkhangte \anpuina an pe kual mek a ni.
