Taitesena Gr YMA member mi 150 te chuan Mizoram, Assam leh Tripura ramri vengin hma an la a, vawiin a\angin Langkaih Lui dungah an rammu \an.
ZONET corr. Lalnun\awma Fanai chuan vawiin khan Kawrtethawveng khuaa Taitesena Gr YMA hruaitute a kawm a, Gr YMA hruaitute hian, Tripura a Covid 19 vei an hmuh chhuah avangin an huam chhung mipuite leh Mizoram lailia mite an him theih nan Laikaih lui chu uluk leh zualin an veng tih an sawi.
Mamit district khaw hrang hrang, vawiina a tlawh theih chin, Bawngva, Dampui, Dapchhuah, Darlak, Tuidam, Kawrethawveng leh Kawrthah, khuaahte hian Local Task Force te an duty ngawrh hle a, Task Force duty te awmna hmun engemawzatah police duty-te pawh an awm bawk. Mipui pawhin duty-te thu awiin an zawm \ha thawkhat a, khaw hrang hrang hi a la reh ruih hlawm a, thlai chi thlak lai a nih avangin lo lama feh engemawzat an awm tawh thung.
Tripura nena inrina, Langkaih lui a kam lai a nih avangin khawi hmunah pawh awlsam te-a dai kai theih a ni a, police duty te tan ven sen a nih loh avangin ramri hnaih khaw hrang hranga mi tlawmngaite hian riah chilhin khan remchang laite an veng a ni. Tripura ramri hnaih Kanhmun ral lehlam, Damcherra-ah tunhnaiah coronavirus kai hmuh chhuah thar a awm bakah, Kanhmun khua a\anga hnaite Assam lama Makunda-ah hri leng kai hmuh a awm tawh bawk a, Tripura nena inkal pawhna Langkaih lei chu fimkhur taka ven reng a ni a, Kanhmun leh Assam lam inkalpawhna Medilli lei pawh police ten ngawrh takin an veng bawk a ni.
Hetiang bawk hian Vairengte leh Bairabi lamah pawh Assam nena inrina-ah leilet leh ramhnuai hmun tam tak, awlsam taka ramri kan theihna remchang a awm avangin khaw hrang hranga mi tlawmngaiten riah chilhin ramri hi police te an venpui a. Myanmar lamah pawh ramri kan theihna hmun a tam avangin khaw tam takin riah chilhin an huamchin ramri te an veng bawk a ni.
