CAA kalhmang tur duan lailawk behchhanin form thehlut rualin sakhaw biak tihchhianna leh kum 2014 December ni 31 hmaa India ramah an raltlan ngei a ni tih lanna lehkha chu an thehlut tel niin he dan kalpui mek dan khawihtu zinga hotu pakhat chuan a tarlang a ni.
Assam-ah chuan lungawilohna lantirtuten buaina an chawh chhuah loh nan state sorkar-in khualehtui dil duh tan sorkar laipui pawmpuina-in thla thum chhung hun a hawng a ni.
Hemi hmalam hian Assam Chief Minister, Sarbananda Sonowal leh Finance Minister, Himanta Biswa Sarma te chuan CAA hnuaia khualehtui dil theih hun chhung bithliah chu ti thui lutuk lo turin an lo ngen tawh a ni.
Assam Accord-ah chuan kum 1971 hnu lama dan phal loha Assam-a lut te chu hren leh an rama thawn haw theih an ni a, hetihrual hian Assam-a cheng an sakhaw zah lotute pawh hren theih a ni bawk. Lungawilohna lantirte chuan Accord chu \an chhanah hmangin CAA chu Assam Accord kalh a ni an ti.
