Kolasib bawrhsap, District Disaster Management Committee Chairman ni bawk lehkha thawn-a tarlan a nih danin ramri dep khaw hrang hrang-ah te Village Level Task Force ten check post an siam 43 a awm mek a. Village Level Task Force te hian police duty te an puih bakah luhka awm thei nia an hriatah te tlawmngaia duty tur an indah a ni.
Village Level Task Force te hi mi inphalte sum thawh khawm hmangin an kal mek a, ramri ven hna an thawhnaah sum senso a san chhoh zel avangin, ramri dep khaw hrang hrang, Bairabi North leh south, Saipum, Saiphai North leh south, Phainuam, Saihapui V, Vairengte I, II, III leh IV, Phaisen, Buhchangphai, Bukvannei leh Saihapui K -a village level task force te chu sum leh paia \anpui turin Kolasib bawrhsap hian Mizoram sorkar a ngen sak a ni.
Kolasib District bawrhsap sawi danin, ram pawn lam a\anga hnamdang lo lut tur ru turte ven bakah, Mizoram chhung a\anga zu leh ruihhlo lak tuma Assam lama luh tumte ven hna Village Task Force te hian an thawk bawk a, hetianga Assam state-a lut lui man chhuah, mi 40 vel Bairabi ah khung hran an awm tawh a ni.
Hetihlai hian YMA Sub Hqrs Kolasib pawhin, ramri hnaiha duty Village level task force te hi sum leh paia \anpuina Mizoram sorkarah an dilsak bawk a, Chief Secretary hnena lehkha an thawnah, Covid-19 laka Mizoram a him zel theihna turin ramri dep khaw hrang hranga task force te chu chhunzan zawmin ngawrh takin an duty tih an sawi a, an duty na hmunte chu kilkhawr leh thingtlang zawkte a nih avangin an mamawh chi hrang hrang District sum neih a\anga phuhruk sak vek a harsa dawn a ni an ti a, a bik taka \anpuina pe turin an ngen a ni.
Kolasib Sub Hqrs YMA hian ramri-a duty tur force a tam thei ang ber dah belh turin sorkar an ngen bawk a, Assam-ah covid-19 kai an pun chhoh zel avangin Buhfai, LPG leh tuialhthei tih loh mipui mamawh chi hrang hrang lakluh chhunzawm rih loh an rawt a, sorkar a\anga loh theih loh thil a awm anih pawhin police te venhimna hnuaiah fimkhur taka kaltir nise, mimal sumdawngte hnenah state pawn a\anga bungraw pakluh phalh tawh loh nise tih an rawt a ni.
Mizoram a\anga lirthei chhuak tur leh State pawn a\anga lo lut tur reng reng uluk taka damdawi hmanga phuh thianghlim an rawt bawk a ni.
