Health Minister, Pu Lal Thanzara’n vawiin khan Kolasib-ah Cancer leh natna chi hrang hrang inkaichhawn theih loh veite hmuh chhuahna tur, Non-Communicable Diseases Screening Mela a hawng. Hawnna inkhawm Diakkawn YMA Hall-a neihah thusawiin Health Minister chuan Mizoram hi mihring tam lam a\anga chhuta India rama cancer tamna ber State a ni a, cancer tam zualna chu pumpui Chuap, Chaw dawt leh Chhul hmawr te a ni tih sawiin, cancer vei hmuhchhuah leh a enkawlna lamah sorkar chuan \an a la a ni a ti a, Zemabawka Cancer institute tihchangtlun mek a nih thu te, Rs. 44,27,00,000/- senga Tertiary Care Cancer Centre dinna tur ruahmanna siam pawh sorkar laipuiin a pawm tawh thu te, cancer enkawlna khawl dang lei tum a nih bakah ward pawh siam belh tum a nih thu te a
sawi bawk. Minister chuan National Health Mission hnuaiah Cancer veite hmuhchhuah hma leh enkawl thuai bakah natna dang inkaichhawn theih loh Lungna, BP sang, Zunthlum leh Stroke te a tlem theih nan National Programme for Prevention & Control of Cancer, Diabetes, Cardiovascular Diseases & Stroke te kalpui mek a nih thu te, chhulhmawr, hnute leh k^ chhung cancer bakah, zunthlum leh BP sang kum 30 chin chunglam ten an vei leh vei loh enfiah vek tum a nih thu a sawi a, Kolasib District-ah pawh Sub Centre 10 huamchhungah he hmalakna hi \an mek a ni tih a sawi a ni. Health Minister chuan Mizoramah cancer vei, lung \ha lo leh natna inkaichhawn theih loh dang vei an tam loh nan invenna lamah \an lak a ngai tih a sawi a, nundan fimkhur a \ul thu te, zuk leh hmuam khawih lo leh ei leh ina fimkhur a \ul thu te leh taksa sawizawi \hin a pawimawh thu te a sawi bawk. He Mela-ah hian Indian Society on Tobacco & Health Mizoram Chapter President, Pi Lal Riliani pawhin thusawiin zuk leh hmuama fihlim a pawimawh thu leh hrisel tura \an lak a \ul thu a sawi a ni. Health Mela-ah hian Miss Mizoram 2018 T. Ramthanmawii pawhin Mizoramah mi 1600 velin kum tin cancer an vei \hin chu pawi a tih thu sawiin, vei lohna tura zuk leh hmuam leh ei leh in lamah fimkhur a \ul thu te, heart attack leh stroke pumpelhna atana sa leh thau mawm lam ei tlem a pawimawh thu te a sawi bawk a ni. Health Mela-ah hian Kolasib, Aizawl leh Falkawn damdawi in a\angin Doctor \hahnem tak an tel a, mi \hahnem tak an inentir a ni.
