Minister chuan Medical College hmasawnna turin a ruangam pawimawh tak tak sak belh zel a nih dawn thu a sawi a. Tuna lung phum tak building thar pali sakna tur pawh hi hmasawnna tur atana pawimawh tak a ni a ti a, Medical College hi sorkar ta ni mahse a chhawrtu leh neitu chu mipui hi an ni a, hmabak kalkawng zawh tur hi a la thui hle a, endiktute duhdan leh tih tur tukte puitlin zel a la ngai dawn a, Medical College chu din tawh nimahsela tha thlah lova \an lak zui zel a ngai niin a sawi.
MIMER Director, Dr. L. Fimate pawhin Medical College tihchangtlun a nih theihna tura sorkar \hahnemngaihna leh hmalakna chu lawmawm a tih thu a sawi a ni.
MIMER-a New Academic Block hi M/S MP Khaitanten Hospital Services Consultancy Cooperation hnuaiah sak mek a ni a, department pasarih awmna tur a ni a, chhawng ruka sang tur a ni. Kum 2 chhunga sak zawh tura ruahman a ni bawk. Director Quarters hi TBL Architectural Consultant-in a sa dawn a, mipa leh hmeichhe Hostel chu Zothantluanga Consultancy Service-ten an sa dawn bawk a ni.
