Mizoram State AIDS Control Society Governing Body chu Health Minister, Pu Lal Thanzara hovin Chief Minister Conference Hall-ah vawiin chawhnu khan an \hukhawm a, MSACS Project Director, Dr Lalmalsawmi Sailo-in sorkar kum liam ta, 2016-17 chhunga an hnathawhte sawiin – HIV/AIDS darh zel tur venna atan Trageted Intervention chu an hmang \angkai hle niin a sawi a, Targeted Intervention hnuaia Link Worker Scheme hmangin tlawmngai pawl nen thawhho a nih thu leh thingtlang khaw hrang hrang, motor kal theih lohna hmun thlenga tlawh chhuah niin a sawi. He \hutkhawmnaah hian kum 2014-17 chhunga National AIDS Control Organisation a\anga sum hmuh hman dan te, sum hmuh hi kum tin tla hniam mah se, hmasawnna a awm zel thute tarlan a ni a, Lungleia Women Anti Drug Association chu Siaha District-a Targeted Intervention bawhzui tura tih a nih b^kah Statutory leh Internal Audit report an pawm a, Rogi Kalyan Samiti hnuaia High Risk Group-te tan a thlawna inentirna buatsaih rawtna chu Health Secretary-in lo zir chiang leh phawt se an ti bawk. MSACS Governing Body \hutkhawmnaah hian a kaihhnawih Department hrang hrang bakah tlawmngai pawl aiawhte an tel a ni.
