Minister hi Hospitala hotuten lo dawngsawngin hmalakna kalpui dan an lo hrilhfiah a. Dr. Thangtea chuan, Japan International Cooperation Agency (JICA) \anpuinaa cheng vaibelchhe 500 hmanga Cancer Speciality Hospital din tur chu a hlawhtlin ngei theih nan theihtawp chhuah a nih tur thu a sawi a. Amah \awiawmtu Local Council leh khawtlang hruaitute nen Cancer Hospital ram pawh a en fiah nghal a. A rang lama ramri tihfel a nih theih nana hmalak dan tur an sawiho nghal a ni. Dr. Thangtea hian, Central Medical Store pawh tlawh nghalin, CMS awmna chu hmun rem zawka sawn chhuah emaw a panna kawng \ha zawk siam emaw dan tur sawi ho nghal niin, Mizoramin Cancer Hospital changtlung leh \ha zawk a neih theih nan theihtawp chhuaha \anlak mek a nih thu leh sum leh pai lama harsatna awmte pawh sukiang tura nasa taka \anlak a nih thu a sawi.
Health Minister hian Cancer Hospital-in a \ula a hman atan cheng 10,000 a hlan a. Kawlphetha khaihlak avanga Cancer hemna khawlin harsatna a tawh \hin sutkian nan an chhungkaw hmingin MAHINDRA POWEROL GENERATOR lian a pe bawk. Minister hi Health Secretary, Pu H. Lalengmawia, Mizoram State Cancer Institute Director, Dr. Zoramthanga, NHM Mission Director, Dr. Eric Zomawia, TCCC Project Coordinato, Dr. Jeremy L. Pautu leh thawktu dangten an \awiawm a ni.
