Minister hian Thenzawl Community Health Centre leh Mizorama AYUSH Hospital awmchhun Integrated Ayush Hospital te a tlawh a, hetah hian damdawi ina thawktu Medical Officer leh Staff ten lo dawngsawngin, an mamawh leh \ulte an lo thlen a, Dr. R. Lalthangliana chuan, Hospital tihchangtlun zel nan a theih a chuhuah dawn tih sawiin, Ayush Hospital-a X-Ray khawl leh Generator an mamawhna chu an neih thuai theih nan hmalak nghal a tum thu a hrilh a ni.
Commerce and Industries Minister ni bawk, Dr. R. Lalthangliana chuan, Thenzawl Venghluna Industry Deptt.-in Handloom Facilitation Hub an sak mek pawh a tlawh a. Hnathawktute chu chak zawk leh \ha taka hmalak a duh thu hrilhin, harsatna an nei a nih chuan a bula thlen vat \hin turin a chah a ni. Minister-in Thenzawl a tlawhnaah hian Thenzawl Joint VC Chairman, MNF Block President ni bawk, Pu Vanlalzawna leh a thawhpui ten an \awiawm a, Thenzawl-in Bazar Pangngai an nei lo chu an vei thu Minister chu hrilhin, Bazar sakna hmun atana ruahman Supply Department hmun hlui an tlawhpui a ni.
Vawiin vek khan Higher & Technical Education Minister, Dr.R.Lalthangliana hian Lunglei, Pukpuia Mizoram Engineering College sak zawh tawh a tlawh bawk a. A panna kawng te, thawktute chenna tur quarters te, electrict leh tui lam engmah la tihfel a awm loh avangin, hengte hi tun maia tipuitling tur chuan a theih nghal mai loh tur thu leh hun a la duh deuh tur thu a sawi a.
Hemi hnu hian Baptist Kohhran enkawl Higher and Technical Institute, Mizoram (HATIM), a\anga Graduate tharte tate thlahna hun HATIM Auditorium, Kawmzawl a neih chu a hmanpui bawk.
