An inkawmnaah hian Dr. R. Lalthangliana chuan, HIV chungchanga Mizoram dinhmun chu vei a ngai takzet tih sawiin, HIV darh zel tur ven kawngah theihtawp chhuah a ni chungin, a vei thar hmuhchhuah an pung zel a, HIV kai zat hi a tlakhniam theih nan engtin nge Kohhran, pawl, Sorkar, Doctor leh hemi kawnga thawktute nen hma an lak tlan theih ang tih chu ngaihtuah chian a \ul hle a ni, a ti. Dr. R. Lalthangliana chuan, tunah hetiang dinhmuna Mizoram a din chhan hi thuk taka zir tlan a, kalphung leh tihdan neih mek, awmze nei lo nia lang te thlak a, ngaihtuahna thar nen HIV hi do tlan a tul nia a hriat thu sawi a ni.
MGDA leh IMA hruaitute hruaitute pawhin, an ngaihdan leh HIV dona kawnga hlawhtlinna fum fe a awm loh chhan leh a tlakhniam theih loh chhan nia an hriatte an sawi a. HIV in Mizoram a chiah hneh hle tih chu hairual a ni lo a, tuna an hmalakna leh kal mek danah ringawt hi chuan HIV hi a tlakhniam mai rin a har thu leh ngaihtuahna thar nena a dona hi kalpui a tul nia an hriat thu a sawi ve bawk. Health Minister hian MGDA leh IMA hruaitute chu an rawtna leh ngaihdante mumal taka ziaka a hnena thlen turin a ti a ni.
