Minister hi Medical Officer, Police leh thawktu dangten an lo dawngsawng a, an harsatna te an hrilh bakah an dinhmun leh an endik dante an lo hrihfiah a ni.
Minister hian Vairengte leh Bairabi a covid 19 endikna hmuna duty te thingpui inna tur cheng sing 1 sang 5 a pe a, hei bakah Thermal Scanner leh Hand Sanitizer engemaw zat a hlan a ni.
Dr. Thangtea hian Vairengte chu Mzoram chaklakna kawng pawimawh tak a nih avangin hmun dang aiin duty pawh a hautak a ni a ti a, heti chunga thawktute inpekna chu fakawm a tih thu sawiin eng chen nge an la tih dawn hriat a nih loh avangin medical lam thawktute leh NGO te inrawn zel turin a chah a, Covid 19 vanga harsatna zualkai laia thawk tur damdawi lam thiam nitina inhlawhfa tur mi 5 lak tur an hmuh chuan sorkarin hlawh a pek tur thu a sawi. Dr. Thangtea hian, lirthei indaih lohna phuhruk turin man chawia hman tur dap turin thawktute a hrilh a, lirthei chevel enkawl tura Police 10 vel an mamawh pawh thuneitute a lo sawipui tur thu a hrilh a, ramri a invenna kalpui danah sorkar leh mipui thawhhona a \ha a, Mizo nih a ti nuam hle a ni a ti. Dr. Thangtea hian Bairai a thawktute inthiarna leh tuizem an mmawh pawh pek nghal an nih tur thu a hrilh a ni.
Health Minister hi MYC Chairman Dr.Vanlal\anpuia MLA leh NHM-a mission Director Dr.Eric Zomawia ten an tawiawm a ni.
