He thu hi vawiina Hnam Runa inkhawmah sawiin Dr. R. Lalthangliana chuan sorkar an chelhna chu thla khat vel chauh la ni mahse mipui leh ram tana \ha tura an ngaihah hma an la nghal chat niin a sawi a, Kohhran leh mipuiin an duh loh zu zawrh an tihtawp nghal thu te, sorkar hmasain thisen man an lak avanga harsatna mi tam takin an tawh \hin sutkian nan thisen man lak \hin pawh an tih tawpnghal thu sawiin inkalpawhna pawh fur ruahtui tlak hma ngeia a zualpui siam turin hmalak nghal a nih thu a sawi. Dr. R. Lalthangliana chuan, thuneihna an chan hmasaka hna tam tak an thawh zawh hman loh te kum 10 kal ta chhung khan Congress sorkarin a chhunzawm lo niin a sawi a, PMGSY hnuaiah thingtlang khaw in 250 awmna chin chu Motor kawng an lai chhuak hman vek tih sawiin an zawh hman loh te pawh an chhunzawm leh dawn niin a sawi. Dr. R. Lalthangliana chuan, thuneihna an chan hmasaka an duan Health Care Scheme changtlung zawk pawh SEDP-ah telh sa a ni a, mipuite tana ham\hatna tam zawk a awm theih nan \ha zawkin an duang leh mek tih sawiin thuneihna semzai kalpui turin hma an la mek a ni a ti.
Tourism Minister, Pu Robert Romawia Royte pawhin thusawiin Citizenship Amendment Bill, 2016 kaltlangpui a nih chuan Mizote tan a pawi tur thu leh hmarchhak bial mipuiten an duh loh zia Prime Minister hnenah Chief Minister Pu Zoramthanga’n chiang takin a hrilh niin a sawi a, Mizoramin All India Service Cadre hran a neih ve theih nan Home Minister hnenah ngenna an thlen thu a sawi bawk.
Inkhawm hi an pawl Treasurer, Pu Vanlalzawma’n a kaihruai a, vawiina CADC-a MNF sorkar thar lakluh chungchang an pawl Vice President, Pu R. Tlanghmingthanga’n a tarlang bawk.
