He thu hi tun hnaia a bial chhung khaw hrang hrang a fannaah sawiin Dr. R. Lalthangliana chuan, hmasawnna nasa tak thlen chu an thil tum pakhat niin a sawi a, hnathawk tak tak turin sum ruahman pawh a lian tham dawn tih sawiin hetihlai hian sum hman leh hnathawh chu a inmil tur a ni a ti. Dr R Lalthangliana chuan, SEDP chu a thawk tak takte tan chauha dinchhuahna tur niin a sawi bawk.
Health Minister chuan thiam bikna nei leh nei lote tan pawh an thawh tur ruahmanna \ha tak kalpui a ni dawn a ni a ti a, a tahtawla kalpui tur a nih thu sawiin SEDP sumdawngtuten an hmanna tura hman loh ang kha a remchang ve dawn lo niin a sawi. District thar siam tur chungchang sawiin, Dr. R. Lalthangliana chuan Saitual, Khawzawl leh Hnahthial District atana an lo puan tawh tihpuitlin nan Budget hmasa berah sum dah a ni dawn niin a sawi a, kum 5 chhungin fuke kima a nih tur anga kal tir an tum tih a sawi. ZPM-in mipui bum anga MNF an puhna chu chhangin Dr. R. Lalthangliana chuan thisen sawngbawlna man chawi \hin chu January ni 14 khan Council Of Ministers \hukhawm thutlukna angin sorkar damdawi in zawng zawngah tihtawp a nih thu a sawi a, sorkar damdawi ina damlote chauh a thlawna pek an nih thu leh mimal damdawi in a huam lo niin a sawi bawk.
