Zawhna chhangin Dr. Thangtea chuan, Non Government Hopsital Association of Mizoram-in Mizoram State Health Care Scheme an zawm theih thu nimina an hriattir ve leh khan Sorkar-in damdawi \henkhat a pawmpuina a tihtawp lailawk chu siam\ha turin hma a lak nghal thu a sawi a, hetihrual hian Non Government Hopsital Association of Mizoram lehkha hi tlai dar 3 hnu lama a hmuh chauh avangin File a kal zo hman lova, vawiin hi chawlh a nih chhunzawm bawk si avangin tih fel hman ni lo mah se, arang thei ang berin hrek an nihna chu hlih a nih tur thu a sawi. Private damdawi in \henkhat pawmpuina tihtawp lailawk a nih chhunga damlote inenkawlna Bill tur leh tur an nih leh nih loh zawhna chhangin Dr. Thangtea chuan, hemi chungchang hi chipchiar taka sawi ho ala nih loh thu leh a \ul anga ngaihtuah a nih tur thu a sawi.
Puan tawh angin Sorkar-in Mizoram State Health Care Scheme a duan chu Private damdawi in neitu inzawmkhawm Non Government Hopsital Association of Mizoram member \henkhatin an pawm theih loh avangin hun engemawchen harsatna an tawk a, damdawi in 18 chu Sorkar-in empaneled hopsital an nihna a hlih sak a ni.
He inhriatthiam lohna chungchangah hian Health Minister, Dr. R. Lalthangliana’n nimin khan Private damdawi in neitute chu sorkar-in Health Care Scheme a duan chu an duh ang diak diak ni lo mah se, mipui harsatna hrethiama sorkar ruahmanna hi zawm ve turin a ngen a. He ngenna hi nimin khan Non Government Hopsital Association of Mizoram chuan a ngaihtuah nghal a, Minister ngenna hi tihhalwhtlin an remti a. Mizoram State Health Care Scheme damdawi in-te chu Durtlanga Synod Hospital, Adventist Hospital, Nazareth Hospital Ramhlun, Rosewood Hospital, Aizawl Hospital and Research Centre, LRM Hospital, Ebenezer Medic Centre, Bethesda Hospital and Research Centre, Greenwood Hospital, Grace Nursing Home, Care Hospital, City Hospital, Reddem Hospital Aizawl, DM Hospital Champhai, Mercy Hospital Serchhip, John William Hospital Lunglei, Maraland Gospel Centenary Hospital Siaha, Med Aim Hospital Champhai an ni.
