ZONET zawhna chhangin Dr. Thangtea chuan, Mizoram State Health Care Scheme chu a bul tan chauh an la nih avangin sawiselbo leh felfai vek a nih a rin bik loh thu sawiin, hetiang a ni chunga mirethei zawk leh chanhai zawkte hmangaihna rilru pua Non Government Hopsital Association of Mizoram-in Health Care Scheme an zawm thei ta chu thil lawmawm tak a ni, a ti a. Health Care Scheme chu tuna a nihna anga hman phawt a ni anga, siam\hat ngai awmte chu siam\hat zel a nih tur thu a sawi. Dr. Thangtea chuan, Private damdawi in neituten Health Care Scheme chungchanga an ngaihpawimawh zawngte pawh a hriatpui thu leh harsatna an neihte sutkian a, chinfel zel a inhuam thu a sawi.
Dr. Thangtea chuan, Mizoram State Health Care Scheme chu MNF sorkar Falgship Programme pakhat a nih avangin Chief Minister pawhin a ngaih pawimawh thu leh chumi avang chuan pawisa pawh \hahnem tak dah a nih thu a sawi a. Sorkar hotute leh Damdawi in neituite inhiat thiam lohna hi US a\anga a lo haw hnuah Chief Minister pawh a sawipui nghal thu sawiin, tukin khan Dy. Chief Minister pawh Private damdawi neitute a biak tur thu hi a hrilh a, an ni pawhin \ha an tih angin inremna tura hmalak a nih thu a sawi. Dr. Thangtea chuan, Private damdawi in chu Mizoram mipui leh sorkar tan an pawimawh hle tih sawiin,zau zawka mipui rawng an bawl zel theih nana an dinhmun tihchangtlun kawngah pawh sorkar-in tih theih a nei a nih chuan sorkar a inhawn reng a ni, a ti a. Inlaichinna leh thawh hona \ha an neih zel chu sorkar duh dan a nih thu Dr. Thangtea chuan a sawi.
