Vawiin Bugdet Session zawhna leh chhanna hunah opposition group leader Pu Lalduhoma leh Dr. Vanlal\anpuia te zawhna in\awm chhangin Dr. R. Lalthangliana chuan, kum 1990 a\anga nikum December thla thleng khan HIV hrik kai mi 21,538 hmuhchhuah an ni tawh tih a sawi a, heng zingah hian kum 25 leh 34 inkar an tam ber tih a sawi a, za zela HIV kai zat, National Working Group on HIV Estimation-in a duan behchhana UNAIDS in a siam Software Spectrum hmangin Mizoram dinhmun pawh chhut a nih thu a sawi.
Zawh belhna chhangin Dr. R Lalthangliana chuan, MSACS ah thawktu 300 vel, a te nawi thengin an awm tih a sawi a, tun hmain NACO ah a in nghat nasa hle a, thawktute hlawh pawh pek thin a nih thu a sawi a, State Budget head ah a awm loh avangin cheng sing 2 khat bak dah a awm lo nia a hriat thu a sawi. Lian tham taka HIV AIDS do turin finance lamah thlen anih thu leh a chhanna pawh an hmuh a beisei thu a sawi. HIV AIDS dona kawnga MLA ten hma an lakna tur, Legislator forum pawh a la ding zel a, session zawhah MLA te tan zir hona buatsaih te pawh an tum thu a sawi a theihtawpa an do chungin ram chhungah pakhatna dinhmun an hauh chu a rapthlak hle tih sawiin hei hian a barakhaih hle tih a sawi.
Dr. Thangtea chuan Aids do chungchanga chu Health Deptt chauh tih theih a nih loh thu a sawi a, Synod OM leh Kohhran hrang hrang hruaitute, MGDA, IMA te leh NGO te pawh an sawipui tawh thu a sawi a, MGDA leh IMA in cheng nuai 1 ve ve in hma an la nghal tih a sawi a, Kohhran thalai te pawhin hma an la cho mek tih a sawi. Dr Thangtea chuan ram chhunga HIV Aids vei tamna state nih chu zahthlak a tih thu sawiin sorkar pawhin theihtawp a chhuah a ngaih thu house in hriatpui se a duh tih a sawi a ni.
