Health Deptt. bultumin vawiin khan World Cancer Day Aizawlah buatsaih a ni a, Dr. Thangtea hian, kumtin Cancer natna vangin khawvelah mi maktaduai 9 leh nuai 6 vel an thi \hin tih a sawi a, ram hnufual leh changkang lo zawkah a tam zual tih sawiin hetihlai hian Cancer natna thlentu tam tak zingah vaihlo chu a thlentu lian ber a nih thu a sawi a, Cancer vei lo tura inven a pawimawh hle a ni a ti. Dr. Thangtea chuan, damlo enkawl kawngah thiamna, hmanrua leh khawl \ha neih chu thil pawimawh nimahse thawktute inpekna chu a pawimawh hmasa a nih thu a sawi a, Doctor te leh nurse ten damlo te an dawr dan a pawimawh a, an \awngkam leh thlamuanna awka in damlo na tak tuar te nasa takin a chhawk thei a ni, a ti.
World Cancer day hi Union for International Cancer Control bultumin khawvel pumah hma a ni a, Mizoramah pawh kum 2014 a\ang khan hman \hin a ni a, Inkhawm hi NHM Mission Director Dr. Eric Zomawia’n a kaihruai a, Cancer enkawl chungchang Dr Jeremy L Pautu in a sawi bakah Mizoram State Cancer Institute-a Radiation Oncology Head of Department Dr B.Zothankima’n thu a sawi bawk.
